Canan Kebenç Ozkan: Wê ruhê Lihevkirina Bajêr dewam bike

ENQERE — Canan Kebenç Ozkan a DEM Partiyî diyar kir ku wê ruhê Lihevkirina Bajêr were parastin û got ku ne rast e ku partiya muxalefeta sereke vê nîqaşê li ser wan bike.

Plana me ew bû ku hevalên me derbasî partiyên xwe bibin

Hevberdevka Desteya Rêveberiyên Xwecihî ya Demokratîk a DEM Partiyê Canan Kebenç Ozkan têkildarî beşdariya endamên meclîsa şaredariyê ya ji DEM Partiyê re ya di çarçoveya Lihevkirina Bajêr de ji ANF’ê re axivî. Canan Kebenç Ozkan di destpêka axaftina xwe de got: ‘’Lihevkirina Bajêr beriya hilbijartinan ji bo nîşandana îradeya gel a bi awayekî xurt, xurtbûna muxalefeta sereke û nîşandana îradeya herêmî zemîneke lihevkirinê ya kolektîf û hevpar bû. Nîqaşa me ya sereke û plana me ya sereke ew bû ku piştî hilbijartinên xwecihî hevalên me yên ku li gel Lihevkirina Bajêr hatin hilbijartin, derbasî partiyên xwe bibin. Di rastiyê de plana me ev bû. Ew bû ku piştî hilbijartinan endamên me yên meclîsê derbasî partiyên xwe bibin. Lê belê operasyonên siyasî yên piştî hilbijartinan, desteserkirina şaredariyan, desteserkirina Şaredariya Esenyûrtê û berdewamkirina operasyonên siyasî bûn sedem ku ev pêvajo dirêj bibe.’’

Zemîn ji bo derbasbûna partiyê ne guncav bû

Canan Kebenç Ozkan da zanîn ku ev mijar di konferansa meha Hezîranê de hatiye nîqaşkirin û ev yek anîn ziman: ‘’Yanî yek ji sedema sereke yaku heya niha gihîştite vê qonaxê ew e ku Îmamoglû hate girtin, şaredariyên CHP’ê hatin desteserkirin, operasyon hatin kirin û ew zemîn ji aliyê ku em di vê pêvajoyê de derbasî partiya xwe bibin ve ne guncav bû.’’ Di gel ku partiya muxalefeta sereke nîqaş nake bê ka li gel parçebûnê ji desthilardariyê re zemîneke çawa amade kiriye, ne rast e ku vê nîqaşê li ser me dike.

Pêşeroja Bûyeran

Canan Kebenç Ozkan tekez kir ku tevî hemû astengî û operasyonên siyasî, wê ruhê Lihevkirina Bajêr bê parastin û têkoşîna ji bo xurtkirina îradeya gel û rêveberiyên xwecihî yên demokratîk bidome.

Çavkanî: ANF Kurmancî