Hevberdevka Komîsyona Mafên Mirovan û Hiqûqê ya DEM Partiyê Sevda Çelîk Ozbîngol daxuyaniyên Şêwirmendê Sereke yê Serokkomar Ûçûm rexne kir û got, “Divê siyasetmedarên desthilatdariyê bi berpirsyariyeke ku tevkariyê li aştiyê bike tevbigerin.”
Naskirina statuya siyasî ya Rêberê Gelê Kurd Abdullah Ocalan û afirandina mercên azad ên ji bo karkirinê yek ji daxwazên esasî yên ji bo rêveçûna Pêvajoya Aştî û Civaka Demokratîk derdikeve pêş. Daxuyaniyên li pey hev ên Şêwirmendê Sereke yê Serokkomar û Serokwekîlê Desteya Polîtîkayên Hiqûqê ya Serokkomariyê Mehmet Ûçûm ên li ser mijarê bû sedema nearzîbûna.
Ûçûm ku statuya Rêberê Gelê Kurd Abdullah Ocalan daxist meseleya bêçekbûnê, îdîa kir ku derxistina pêş a sernavên weke berdana Abdullah Ocalan pêvajoyê dixitimîne.
Çavkanî: ANF Kurmancî