Divê tenê rengekî jiyanê li ser Êzidiyan neyê ferzkirin

ROJNEWS — ÎBRAHÎM ÊZIDÎ: Piştî ragihandina entegrasyona YBŞ û YJŞ di nava Artêşa Iraqê de, li seranserê herêmê û bi taybetî ji aliyê hin aliyên Başûrê Kurdistanê ve gelek bertek hatin nîşandan, ku ev yek pirsgirêkên kûr ên li ser çarenûsa Şengalê û mafên civaka êzidî anîn rojevê.

Helwesta PDK’ê di 12 salan de ji bo Êzidiyan çi bû?

Piştî ragihandina entegrasyona YBŞ û YJŞ di nava Artêşa Iraqê de, li seranserê herêmê û bi taybetî ji aliyê hin aliyên Başûrê Kurdistanê ve gelek bertek hatin nîşandan. Ev bertek û nêzîkatî careke din pirsgirêkên kûr ên li ser çarenûsa Şengalê û mafên civaka êzidî anîn rojevê. Lê belê, dema mirov li rewşê dinêre, divê mirov pir pirsan li ser helwesta rastîn a van aliyan bike û li ser bingeheke adil şiroveyek baş were kirin.

Yek ji nuqteyên herî balkêş eve ku çima di dema êrişa DAIŞ’ê ya di sala 2014’an de, dema ku civaka Êzidî bi qirkirineke mezin re rû bi rû ma, hêzên pêşmerge bêyî ku şer bikin ji Şengalê vekişiyan û ew bi tena serê xwe hiştin? Îro, dema ku behsa çarenûsa Şengalê an jî entegrasyona hêzên herêmî tê kirin, hin aliyên Başûrê Kurdistanê bertekan nîşan didin. Lê belê, di dema tengasiyê de Pêşmerge li Şengalê tine bûn ku îro mafê wan hebe ku bi YBŞ û YJŞ re lihevkirinekê bikin an jî daxwazan bikin.

Tecrîd û astengkirina li ser serdana Lalişê

Heta niha jî hikûmeta Başûrê Kurdistanê tu carî bi awayekî fermî daxwazeke cidî ji YBŞ’ê nekiriye ku bi wan re danûstandinê bike da pirsgirêkên Êzidî bi taybetî Lalişê, û PDK rê nade wan ku biçin heca xwe. Ev yek nîşan dide ku nêzîkatiya heyî ne li ser esasê diyalogê, de li ser esasê tecrîd û astengkirinê ye.

Pêşeroja Bûyeran

Di bûyerên derbasbûyî de, girtina hin kesên bi ser MÎT’ê ve ku destê wan di xwîna fermandarên YBŞ de hebû, careke din rûyê rast ê bûyeran aşkere kir, û li gorî îtirafan, ew kes berdewamiya pêşketinên li herêmê ronî dikin.

Çavkanî: Rojnews Kurmancî