AMED — Girtiyên Apoyî di daxuyaniyekê de diyar kirin ku divê Pêvajoya Aştî û Civaka Demokratîk di asta gotinê de neyê hiştin û bal kişandin ser wê yekê ku azadiya fîzîkî ya Rêberê wan û berdana girtiyên nexweş rojeveke ku nabe bê taloqkirin.
- Pêvajoya Aştî û Civaka Demokratîk divê di asta gotinê de neyê hiştin û pêwîstiyên wê bên bicihanîn.
- Azadiya fîzîkî ya Rêberê me û berdana girtiyên nexweş rojeveke vê pêvajoyê ye ku nabe bê taloqkirin.
- Zindan hîn jî weke cihê tecrîd, cezakirin û ferzkirina poşmaniyê tên dîtin ku ev yek li dijî cewherê pêvajoyê ye.
Bangawaziya Girtiyên Siyasî
Daxuyaniya ku bi navê Girtiyên Apoyî hate dayin, bi vî rengî ye: ‘Em weke girtiyên siyasî ku ji ber fikrê xwe, nasnameya xwe ya siyasî û dilsoziya bi têkoşîna ji bo azadiya gelê xwe bi salan e di zindanê de têne ragirtin, îro bang li gelê xwe û raya giştî dikin.’
Guherîna Stratejîk û Berpirsyarî
Pêvajoya Aştî û Civaka Demokratîk a ji aliyê Rêberê me ve hatiye destpêkirin guherîn û veguherîneke stratejîk e ku feraseta têkoşînê, têkiliyên siyasî û jiyana civakî li ser bingeha demokratîk jinûve ava dike. Derbasbûna ji stratejiya têkoşîna çekdarî ber bi stratejiya siyaseta demokratîk û civaka demokratîk, berpirsyariyên dîrokî dide dewlet û desthilatdariyê, aktorên civakî û siyasî. Ji bo pêşîvekirina li çareseriya demokratîk mecbûrî ye ku gavê şênber li gorî ruhê vê pêvajoyê bêne avêtin û mercên şer ên berê ji holê bêne rakirin.
Rexmê Pêvajoyê Polîtîkaya Zindanê Didome
Lê belê nêzîkatiya heyî ya desthilatdariyê ku gavên hiqûqî û demokratîk ên pêvajoyê neavêje, bi rengekî mijûlkar nêzî pêvajoyê dibe bi taybetî ji bo me girtiyên siyasî yên li zindanan encamên gelekî giran bi xwe re tîne ku telafiya wê nabe. Di demekê de ku qala civakîbûna aştiyê û pêşîvekirina li siyaseta demokratîk tê kirin de zindan hîn jî weke cihê tecrîd, cezakirin, ferzkirina poşmaniyê û şikandina îradeyê tê dîtin. Ev yek li dijî cewherê pêvajoyê ye.
Pêşeroja Bûyeran
Bi sedan hevrêyên me bi pirsgirêkên giran ên tenduristiyê, nexweşiyên giran û mercên giran re rû bi rû ne û têkoşîna ji bo azadî û mafên wan dewam dike.
Çavkanî: ANF Kurmancî