Hejmara Mijdarê ya Kovara Pêşeng Derket: Bi Pênc Zimanan Dê Were Weşandin

EWROPA — Kovara Pêşeng a ku armanc dike bibe dengê ciwanên Kurd ên li Ewropayê dijîn, bi sernavê “Ji Dîrokê Heta Îro Ciwanên Kurd: Dîroka Kurdistanê û Rastiya Ewropayê” derket û bi vê hejmarê re ragihand ku ew ê êdî bi pênc zimanan werin weşandin.

Gaveke Nû di Weşanê de: Pênc Ziman

Kovara ku her sê mehan carekê tê weşandin, bi vê hejmarê gaveke girîng a din di weşana xwe de diavêje û ji xeyni Kurmancî, Tirkî û Elmanî, zimanên Îngilîzî û Soranî jî li zimanên xwe yên weşanê zêde dike. Bi vî awayî, Pêşeng dê ji niha pê ve bi pênc zimanan, Kurmancî, Tirkî, Almanî, Îngilîzî û Soranî were weşandin. Kovar bi dirûşmeya “Heke Ne Niha Be, Kengî? Heke Ne Tu Bî, Kî?” derket.

Bîra Dîrokî û Rastiya Ciwanên Îroyîn

Kovara Pêşeng, ku li ser jiyana fikrî, çandî û civakî ya ciwanên Kurd disekine, bi hejmara xwe ya Mijdarê armanc dike ku bîra dîrokî bi rastiya ku ciwanên îro dijîn re bîne cem hev. Kovar, guhertinên dîrokî û civakî yên ji Kurdistanê heta Ewropayê bi çavê ciwanan dinirxîne û dixwaze bi tecrubeyên rabirdûyê pirsgirêkên îro fam bike û li ser pêşerojê nîqaşên nû pêş bixe.

Mijarên Sereke yên Hejmara Mijdarê

Têkiliya ciwanên Kurd ên li Ewropayê dایk bûne û mezin bûne bi nasnameya xwe re ava dikin, nakokiyên ku ji Kurdistanîbûna bêyî dîtina Kurdistanê derdikevin, têgihiştinên jiyanê yên di navbera nifşan de diguherin û berpirsiyariyên civakî yên ciwanan mijarên bingehîn ên nîqaşên vê hejmarê pêk tînin. Di hejmara Mijdarê de pêşketina dîrokî ya ciwanên Kurd di çarçoveyeke berfireh de tê nirxandin. Bi taybetî tevgerên ciwanên Kurd ên ji salên 1960’an û vir ve pêş ketine, lêgerînên nasname û azadiyê yên ciwanên zanîngehê, xebatên çandî û bandora tevgerên xwendekaran li ser guhertina civakî tên nirxandin. Beşeke girîng a hejmara nû ji rastiya civakî û çandî ya ku ciwanên Kurd ên li Ewropayê de cih digire.

Pêşeroja Bûyeran

Kovara Pêşeng bi berfirehkirina zimanên xwe yên weşanê û naveroka xwe ya ku dîrok û rastiya nûjen a ciwanên Kurd li Ewropayê tîne ziman, xebatên xwe yên di qada çandî û fikrî de bi biryarî didomîne.

Çavkanî: ANF Kurmancî