Hevpeyîmana Doza Êzdiyan: Pêwîste bi zûtirîn dem îdareya Şengalê were avakirin

ŞENGAL-ROJNEWS — Hevpeyîmana Doza Êzdiyan a li Şengalê li ser astengiyên li hember pêkanîna îdareya Şengalê ji aliyê waliyê Mûsilê û PDK ve daxuyaniyek da û daxwaz kir ku waliyê Mûsilê xwe ji berjewendiyên siyasî dûr bixe û li gor yasayê tev bigere.

Pirsgirêka Îdarî ya Şengalê û Helwesta Nînowayê

Ev demeke di mijara îdareya Şengalê de ku ji qaymeqam û rêveberên bajarokan pêk tê, di navbera Nînowa û Şengalê de diçe û tê, lê çareser nabe. Tevlî ku beriya du salan Dawud Cindî û Seydo Ehmed ji aliyê encumena parêzgeha Nînowayê ve bi awayekî demokratîk hatibûn hilbijartin, lê heya niha Waliyê Nînowayê ji bo ev kes dest bi kar bikin îmze nekiriye û ev jî bûye sedem ku Şengal di aliyê îdarî de bê rêveber be.

Daxuyaniya Li Sinûnê û Bertekên Xelkê

Li ser vê yekê îro li bajarokê Sinûnê bi pêşengiya Hevpeyîmana Doza Êzdiyan û bi beşdarbûna beşek ji xelkê Sinûnê û aliyên siyasî û civakî, li çerxerêya Mam Zekî daxuyaniyek hate dan. Di daxuyaniya ku ji aliyê Fewaz Heskanî ve hate xwendin de, daxwaz hate kirin ku waliyê Mûsilê ne di berjewendiya PDKê de, lê belê di berjewendiya gelê Şengalê de biryaran pêk bîne.

“Em wek xelkê Şengalê, nerazîbûn û dilgiraniya xwe li hember berdewamiya astengkirina îdareya herêmî li navçeya xwe ya ji beriya çend salan ve diyar dikin. Ev yek bûye sedema valahiya îdarî û peydabûna astengiyan di saziyên dewletê de ku bandoreke rasterast li ser jiyana welatiyan kiriye, ligel astengkirina hewldanên avadankirinê, pêşkêşkirina xizmetguzariyan û amadekirina mercên pêwîst bo vegera koçberan.

Di vê çarçoveyê de, em Waliyê Nînowayê Birêz E”

Pêşeroja Bûyeran

Welatî û aliyên peywirdar li bendê ne ku Waliyê Nînowayê dawî li astengiyan bîne û rê bide ku rêveberiya nû ya Şengalê bi awayekî fermî dest bi karên xwe bike daku xizmetguzarî bigihin gel û pirsgirêkên îdarî çareser bibin.

Çavkanî: Rojnews Kurmancî