Ji bo piştgiriya nexweşên penceşêra pêsîrê, çalakiyek hate lidarxistin

SILÊMANÎ — Rêxistina Kurdistan Health li bajarê Silêmaniyê ji bo jinên bi penceşêra pêsîrê ketine û yên rizgarbûne, çalakiyeke temaşekirina fîlmekî sînemayê amade kir û hate ragihandin ku ev çalakî hewayek tije hêvî û piştgiriya derûnî ji bo nexweşan diafirîne.

Li City Cinema Çalakiyeke Sînemayê Hate Lidarxistin

Li City Cinema ya li bajarê Silêmaniyê, ji aliyê rêxistina Kurdistan Health ve ji bo nexweş û jinên bi penceşêra pêsîrê ketine çalakiyek ya temaşekirina fîlmê sînemayê yê bi navê ‘Malê Nene’ hate lidarxistin. Derbarê çalakiyê de Seroka Rêxistina Kurdistan Health Xoşî Şiwan ji Rojnewsê re axivî û got: “Di çarçoveya kampanyaya ‘Derfetek ji bo Temenekê’ de me ev çalakî bi mebesta aramiya derûnî ya nexweş û rizgarbûyên xwe encam da, daku ji wî barê derûnî yê nebaş derkevin, bi hêztir rûbirûyî nexweşiya xwe bibin ku ev çalakî bibe hêviyek ji bo wan.”

Hêviyên Ji Bo Jinên Bi Hêz

Xoşî Şiwane diyar kir ku ji serê mehê vir ve gelek çalakiyên wan hebûn, yek ji van çalakiyan fîlmekî sînemayê bû, ji ber ku temaşekirina fîlm ku mirov ji bo bêhnekê jî be ji nexweşî û tengesariyan dûr bikeve. Di dawiya axaftina xwe de Xoşî Şwan peyamek rasterast arasteyî jinan kir û got: “Bi baweriya me jin hemû bi hêzin û dikarin rûbirûyî her rewşekê bibin ku tê re derbas dibin, dikarin bi ser bikevin.”

Tecrûbeya Jinên Rizgarbûyî

Her wiha Peyman Ebdullah ku jineke ji nexweşiya penceşêra pêsîrê rizgarbûyî ye, li ser heman mijarê ji ajansa me re axivî û got: “Di sala 2019’an de ez bi penceşêra pêsîrê ketim, min tedawiya biyolojîk û kîmyayî wergirt. Piştî sale…

Pêşeroja Bûyeran

Rêxistina Kurdistan Health radigihîne ku ew ê ji bo piştgiriya derûnî û parastina tenduristiya jinên bi penceşêra pêsîrê ketine û yên rizgarbûne, xebat û çalakiyên xwe yên di çarçoveya kampanyaya ‘Derfetek ji bo Temenekê’ de bidomînin.

Çavkanî: Rojnews Kurmancî