Li Kerkûkê çarenûsa zarokên tê avêtin û hiqûqa xwedîkirina wan!

KERKÛK — Di salên dawî de li Kerkûkê bûyerên sosret ên avêtina zarokan a kolanan pir zêde bûye, ku yek ji sedemê vê nebûna malên vehewînê ye û tê pêşbînîkirin ku ev bûyer bikeve civîna Melisa Parêzgeha Kerkûkê ku çareseriyek jêre bê peydakirin.

Zêdebûna bûyeran û nebûna daneyên fermî

Kerkûk di salên dawî de bûye şahidê gelek bûyerên avêtina zarokan. Nebûna daneyên fermî ji aliyê saziyên peywendîdar ve diyarkirina asta rastîn a vê diyardeyê zehmet kiriye. Li gorî amarên herî dawî yên tenduristiyê ya Parêzgeha Kerkûkê, ji destpêka îsal heta 22’ê Tebaxê li bajêr 4 bûyerên dîtina zarokên avêtine kolanê hatine tomarkirin. Di sala 2025’an de jî 8 bûyer hatibûn tomarkirin.

Axaftinên Berdevkê Tenduristiya Kerkûkê

Ev amar nîşaneya berdewamiya diyardeya terikandina zarokan a li Kerkûkê pir vekirî nîşan dide. Berdevkê Tenduristiya Kerkûkê Saman Yabe li ser vê diyardeyê vê dibêje: “Ti amarên fermî yên destnîşankirina rêjeya zarokên hatine terikandin li ber destê me nîne.” Di derbarê çarenûsa wan zarokan de Saman Yabe ev got: “Destpêkê piştî ku zarok tên dîtin, wan vediguhêzin nexweşxaneyê û lêkolînên bijîşkî yên berfireh li ser wan dikin. Piştî ku tenduristiya wan tê kontrolkirin, wan bi rêya dadgehê didin wan malbatên ku daxwaza qanûnî ya wergirtin û xwedîderketina zarokan kirine.”

Aliyê hiqûqî yê bûyerên avêtina zarokan

Parêzer û Hiqûqnas Werde Reşîd têkildarî bûyera avêtina zarokan destnîşan kir ku li gorî xala 383’an a Qanûna Cezayê ya Iraqê ya Hejmar 111 a sala 1969’an, avêtina zarokên di bin 15 saliya xwe de yan jî zarokên nû jidayikbûyî sûc tê hesibandin.

Pêşeroja Bûyeran

Bûyerên avêtina zarokan li Kerkûkê ji ber nebûna malên vehewînê û kêmasiya daneyên fermî dewam dikin, di heman demê de tê pêşbînîkirin ku ev pirsgirêk ji bo peydakirina çareseriyekî biçe ber Melisa Parêzgeha Kerkûkê.

Çavkanî: Rojnews Kurmancî