AMED — Şaristan êdî ne li gel min e, lê belê wêrekiya wê di nava rehê min de ye, armancên wê di rêgeha min de ye. Dema diçim Geverê ne tenê diçim erdnîgariyekê; diçim ji bo temamkirina çîroka wê ya nîvcomayî, pêşvebirina wê rêya wê ya bi rûmet.
- Şehîd Şaristan di nefesa xwe ya destpêkê de konfora jirêzêbûnê red kir û bû nûnera îradeyeke dilxwaz.
- Zarokatiya wê li warekî derbas bû ku şopa jirêzêbûnê lê tine bû û wê hîn di zarokatiyê de xwest li ser lingên xwe bisekine.
- Newekkheviya ku di zarokatiyê de lê rast hat û dîtina rûyê rast ê dijmin, tovên serhildanê xistibû dilê wê.
Çîrokeke berxwedanê û sekna jineke bi rûmet
Şaristan êdî ne li gel min e, lê belê wêrekiya wê di nava rehê min de ye, armancên wê di rêgeha min de ye. Dema diçim Geverê ne tenê diçim erdnîgariyekê; diçim ji bo temamkirina çîroka wê yan nîvcomayî, pêşvebirina wê rêya wê ya bi rûmet.
Hin mirov tenê ji bo hilmstandinê têne dinyayê; hinek jî weke şênberiya armancekê ji dayik dibin. Şehîd Şaristan di nefesa xwe ya destpêkê de jî konfora jirêzêbûnê red kir; bû nûnera îradeyeke dilxwaz ku mîna bahozekê bû. Çîroka wê ne tenê çîroka jiyana mirovekî bû; êşa erdnîgariyekê bû, berxwedana gelekî bû û destana jinekê ya rabûna li ber sîstemê bû.
Zarokatî û tovên pêşin ên serhildanê
Zarokatiya wê li warekî welê derbas bû ku şopa jirêzêbûnê lê tine bû. Li cihê lê mezin bû cih ji ‘jirêzêbûnê’ tine bû; li wê derê ya tu yê bi serbilindî bisekiniya, yan jî serî bitewanda. Şaristan ev rastî hîn di zarokatiya xwe de baş fêhm kiribû. Hîn di zarokatiyê de gelekî dixwest ku li ser lingên xwe bisekine.
Ew zarokeke welê bû ku li şûna li ser rêya hinekan bimeşe, xwedî wî ruhî bû ku rêya xwe bi xwe biafirîne. Gava ku barê malbata xwe hilda ser milê xwe, bi wê sekna xwe ya têgihiştî ya ji bo piştgiriya bi malbata xwe re, nîşan da ku di karakterê xwe de xwedî îradeyeke ji pola ye. Newekkheviya ku di zarokatiyê de lê rast hat, dîtina rûyê rast ê dijmin tovên serhildanê xistibû dilê wê. Ev tov wê bi demê re veguheriya dareke mezin a berxwedanê.
Pêşeroja Bûyeran
Têkoşîna wê ne tenê ji vê rojê destpê kir; salên wê yên têkoşînê berê şerekî mezin ê ‘hebûnê’ bû ku ispat dikir, bê jinek çawa dikare di nava çerxên sîstemê de neeciqe. Sekna jinekê di vê astê de wêrek e û mîrateya wê di rêgeha têkoşînê de bi biryardarî didome.
Çavkanî: ANF Kurmancî