‘Mamosta Cîhan ji ber azadiya fikir hat qetilkirin’

SOMA XALID – ROJNEWS: Di sêyemîn salvegera mirina biguman a Mamoste Cîhan Teha de hevrêya wê Perî Tahir got: “Mamosta Cîhan ji ber azadiya fikir hat qetilkirin, giliyê yasayî li dijî desthilatdaran hatiye tomarkirin, daxwaz dikîn ku tawanbar bên cezakirin.”

Mirina bi guman û têkoşîna wê

3 sal li ser mirina bi guman a Mamoste Cîhan Teha re derbas dibe ku di şeva 26’ê cotmeha 2023’yan de mamostaya wanebêj Cîhan Teha li devera Barzan di bûyerek trafîkê de jiyana xwe ji dest da. Mamosta Cîhan bi rexnegirtina li desthilatê û têkoşîna ji bo mafên mamostayan dihat naskirin. Malbata Cîhan raste rast PDK’ê ji bûyerê sûcdar dikin ku di demekê de hemû bangên ji bo eşkerekirina bûyerê mane bê bersiv.

Bîranîna Mamosta Cîhan û axaftinên Perî Tahir

Di derbarê kesayet û mirina bi guman a Mamosta Cîhan Teha de, hevrêya wê Perî Tahir ji ajansa me re axivî. Perî Tahir di destpêkê de balkişand li ser kesayeta Mamosta Cîhan û got: “Cîhan xwedî kesayetek bi hêz, bê hempa û bi bandor bû. Xwedî arşivek dewlemend bû. Lê mixabin laptopa wê hat windakirin û arşiva wê jî hate windakirin. Xwedî pênûsek bi bandor bû, ji nivîsîna romanan gelek hez dikir. Her wiha dixwest di warê hunerê de xwendina master temam bike.”

Piştgiriya ji bo jinan û tirsbarî

Perî Tahir diyarkir ku Mamosta Cîhan ji bo jinan piştgirek bihêz bû û got: “Jinan teşwîqî derketina pêş dikir daku xwe ispat bikin û baweriyê bi kêrhatinên xwe bînin. Lê ji ber deng û hebûna wê bi bandor bû, jê tirsiyan û wê qetilkirin.”

Pêşeroja Bûyeran

Di derbarê bûyerê de giliyê yasayî li dijî desthilatdaran hatiye tomarkirin û tê xwestin ku tawanbar bên cezakirin.

Çavkanî: Rojnews Kurmancî