NAVENDA NÛÇEYAN — Rêveberiya Zanîngeha Kobanê der barê hevdîtinên li Şamê hatine kirin, siberoja îdarî û akademîk a zanîngehê civîneke berfireh li dar xist. Hate gotin, Zanîngeha Kobanê dê wekî kombûna fakulteyan ku girêdayî Zanîngeha Helebê be were birêxistinkirin.
- Zanîngeha Kobanê dê wekî kombûna fakulteyan ku girêdayî Zanîngeha Helebê be were birêxistinkirin.
- Hemû bawernameyên Zanîngeha Kobanê werin qebûlkirin.
- Hevserokê Zanîngeha Kobanê Şervan Mislim daxuyaniyên girîng dan.
Civîneke Berfireh ji bo Siberoja Zanîngehê
Piştî biryarên dawîn ên Wezareta Perwerdehiya Bilind û Lêkolînên Zanistî ku fikarên mezin di nav xwendekar û kadroyên akademîk de çêkirine, îro Rêveberiya Zanîngeha Kobanê ji bo nîqaşkirina geşedanên dawîn û biryarên têkildarî pêşeroja îdarî û akademîk a zanîngehê civînek berfireh li dar xist. Civîn bi beşdariya hejmarek mamosteyan û nûnerên xwendekaran bi deqeyeke rêzgirtinê dest pê kir. Di civînê de hate diyarkirin ku di hevdîtinên li Şamê de gelek xal û biryarên ku li ser wan nerazîbûn hebûn hatine gotûbêjkirin.
Pêwîstiya Tevlîbûna Sîstema Perwerdeya Bilind
Hevserokê Zanîngeha Kobanê Şervan Mislim destnîşan kir ku biryarek hatiye dayîn ku divê hemû zanîngehên li seranserî Sûriyeyê tevli sîstema perwerdeya bilind bibin û ti zanîngeh li derveyî vê sîstemê nemînin. Her wiha anî ziman ku her zanîngeha ku li derveyî vê sîstemê bimîne dê bawernameyên wê neyên naskirin.
Pêşeroja Bûyeran
Mislim da zanîn ku yek ji mijarên sereke yên ku di civînê de anîn ziman mijara dabeşbûn û derxistina hin beşan û yekbûna Zanîngeha Kobanê bi Zanîngeha Helebê re bû û ev agahî dan: “Tevahî biryarên navxweyî dê ji aliyê Rêveberiya Zanîngehê bixwe ve werin birêvebirin û dê meclisa kombûnê û berpirsên wê hebin.
Çavkanî: Rojnews Kurmancî