AMED — Romana nû ya nivîskar Salih Serhedî ya bi navê ‘Huso û Nazê, Du Evîndarên Nemir (1880-1950)’ ji Weşanên Nûbiharê derket û cihê xwe di nava refên pirtûkan de girt.
- Romana nû ya nivîskar Salih Serhedî ji Weşanên Nûbiharê hate weşandin.
- Destana ku nêzî 150 sal berî niha li herêma Serhedê qewimiye, çand, kevneşopî, axatî û feodalîteyê dihewîne.
- Nivîskar Salih Serhedî di sala 1984’an de li gundê Axsrafa yê Erdîşa Wanê hatiye dinê.
Çîroka Du Evîndarên Nemir
Weşanxaneya Nûbiharê romana nû ya nivîskar Salih Serhedî weşand. Ev destana ku nêzî sed û pêncî (150) sal berî niha li herêma Serhedê qewimiye, ne tenê destaneke evînî ye; di nav xwe de çand, kevneşopî, axatî û feodalîteyê dihewîne û bi taybetî di şexsê jina kurd de fedakariyê derdixe pêş. Lehengê pirtûkê di temenê xwe yê ciwan de bi nexweşiyeke dikeve ku ev nexweşî wî roj bi roj ber bi mirinê ve dikêşîne. Ev nexweşî dibe sedema îxaneta jinbir û birayê wî jî. Çendekî şûn de Huso bi halê xwe yên per û perîşan, çavên xwe dûrî gund di şikefteke reş û tarî de vedike. Nazê bi qêrîn û hawar, bi girîn û lawa çi dike jî kes guh nade wê. Piştî wê rojê Huso roj bi roj ber bi mirinê, Nazê jî bi jan û êşa Huso dikeve di nav derd û kulan de. Ev destan bi salan e ji bo dengbêjan cihekî girîng digire. Heya niha bi dehan dengbêjî ew strana ku her du evîndaran bi halekî şepirze û ber bi mirinê bûn avêtibûn ber hev. Nivîskarê romanê dibêje ku ev destana Huso û Nazê wekî Mem û Zîn, Siyabend û Xecê û Derwêş û Edûlê divê cihê xwe di nav wêjeya kurdî de bigire.
Salih Serhedî Kî Ye?
Nivîska Salih Serhedî di sala 1984’an de li gundê Axsrafa yê Erdîşa Wanê hatiye dinê. Li Zanîngeha Stenbolê beşa rêveberiya ofîsê xwendiye. Nêzî 4 salan di şaxa Kurdî-Der a Erdîşê de rêveberî kiriye. Nivîsên wî di kovar û çend malperên nûçeyan de hatine weşandin. Nêzî deh salan e li Erdîşê di dibistaneke rehabilitasyonê ya astengdaran de dixebite. Pirtûkên wî yên çapbûyî ev in: Baran (roman), Weşanên J&J, Amed 2018; Delala Dînik / Rastiyeke Geliyê Zîlan (roman), Nûbihar 2024; Huso û Nazê / Du Evîndarên Nemir 1880-1950 (roman), Nûbihar 2026.
Pêşeroja Bûyeran
Bi derketina vê romanê re, destana ku bi salan e di nava dengbêjan de dijî, niha bi awayekî berfireh di cîhana wêjeyê de cihê xwe digire.
Çavkanî: Diyarname