SİLÊMANÎ — Rêxistina Kurdistan Heals di çarçoveya çalakiyên meha cotmehê ya ji bo rûbirûbûna penceşêra memik de, li Nexweşxaneya Şar ya Silêmaniyê çalakiyek ji bo piştgiriya nexweşên penceşêra memik lidarxist û bijîşkan diyarkirin ku kontrola pêşwext pir girîng e.
- Rêxistina Kurdistan Heals ji bo piştgiriya nexweşên penceşêra memik li Nexweşxaneya Şar ya Silêmaniyê çalakiyek lidarxist.
- Rupak Ezîza rizgarbûya nexweşiya penceşêra memik got ku ew çar sal û 9 mehan bi vê nexweşiyê ketibû û bi îradeya xwe karî xwe rizgar bike.
- Pispora Nexweşiyên Memik, Dr. Hewrî Şefîq destnîşan kir ku divê çalakî ber bi deverên li dûrî bajaran ve jî werin berfirehkirin.
‘Min karî xwe komî serhev bikim û ji nexweşiyê rizgar bibim’
Rupak Ezîz rizgarbûya nexweşa penceşêra memik e, li ser nexweşiyê got: “Ez çar sal û 9 mehan bi nexweşiya penceşêrê ketim. Min destpêkê de qonaxek giran û nexweş derbaskir. Lê bi îrade û hêza xwe min karî xwe komî serhev bikim û rûbirûyê nexweşiyê bibim.” Rupak Ezîz ev bang li jinan kir: “Ez daxwaz ji hemû wan jinên ku bi nexweşiya penceşêrê ketine dikim, netirsin xwe ji civakê dûrnexin. Di dema wergirtina çareseriyên kîmyawî de zêdetir haydarê tendirustiya xwe bin.” Di derbarê lidarxistina çalakiyê de jî Rupak got: “Tevilbûna jinên rizgarbûyên ji penceşêra memik, dibe sedemê çêbûna hêviyek zêdetir di dilê wan jinên ku hîna li gel nexweşiyê de têdikoşin.”
‘Di aliyê hişyarkirinê de zêde giringî bi jinên dûrî bajaran nayê dayîn’
Pispora Nexweşiyên Memik, Dr. Hewrî Şefîq jî li ser lidarxistina çalakiyê axivî û got: “Çalakiyên hişyarkirina jinan nabe tenê di meha cotmehê de sînordar bimîne. Kerta tendirustî û bijîşkên pispor pêwîst e vê hişyariyê bigihînin her deverê.”
Pêşeroja Bûyeran
Bijîşk û çalakvan tekez dikin ku ji bo rûbirûbûna bandorên penceşêra memik, pêdivî ye ku kontrolên pêşwext bên zêdekirin û xebatên hişyarkirinê bo hemû jinên li deverên dûrî bajaran jî bên belavkirin.
Çavkanî: Rojnews Kurmancî