KERKÛK — Aloziyên siyasî yên li herêmê û krîza darayî bûne sedem ku bazara Kerkûkê lewaz bibe û liv û tevgera nava bazarê bi temamî kêm bibe.
- Aloziyên siyasî û krîza darayî bazara Kerkûkê lewaz kiriye.
- Karker destnîşan dikin ku paşketina mûçeyan bandoreke raste rast li ser bazarê dike.
- Welîd Xalid diyar kir ku ji nîvê mehê û şûn ve pere di berîka welatiyan de namîne.
Bandora krîza darayî û siyasî li ser bazarê
Aloziyên siyasî ya li herêmê kiriye ku bazara Kerkûkê lewaz bibe. Karkerên li bajar diyar kirin ku nebûna prre û giraniya pêwîstiyan, bazara navxwe jihev xistiye û ev gotin: “Krîz û pirsgirêkên cûr be cûr qirika welatiyan girtiye bernade, ev yek raste rast bandor li liv û tevgera nava bazarê kiriye.” Bazara bajarê Kerkûkê di qonaxeke dijwar de derbas dibe û karkerên li bajar destnîşan dikin ku sedema sereke ya lewazî û sistbûna bazarê ne kêmaniya geştiyaran û ne jî çûn û hatina doxtoran ne ve girêdayî ye; belkû girêdayî krîza darayî û nebûna xizmetguzariyê ya ji bo welatiyan ne.
Nêrînên karkerên bajêr li ser rewşa aborî
Karkerê bi navê Farûq Mihemed ji ajansa me Rojnewsê re axivî got: “Welatiyên Kurd li gorî neteweyên din ên bajêr pereyên wan kêmtirin û nikarin bi qasî pêwîst pêwîstiyên xwe bikirin. Lewre paşketina mûçe, bandoreke raste rast li ser bazar û karkerên li bajar dike.” Farûq Mihemd qala rewşa siyasî, aloziyên li herêmê, şerê hêzên serdest û girtina deriyan, sedemeke din a xirabûna rewşê ye; lewra divê her kes ji aliyê madî ve piştgiriya hev bike.
Karkerê din ê bi navê Welîd Xalid jî sedema lawazbûna bazarê bi siyaseta hikûmetê ve girê da û got: “Ji nîvê mehê û şûn ve pere di berîka welatiyan de namîne, diqede. Ev yek jî dibe sedem ku liv û tevger li bazarê nemîne.”
Pêşeroja Bûyeran
Welîd Xalid destnîşan kir ku pêwîste hikûmet rola dayîk û bav ji welatiyan re bike û wiha domand: “Eger hikûmet mûçe û mafê darayî di dema xwe de dabîn bike, wê demê bazara karkeran jî mezin û bibe.
Çavkanî: Rojnews Kurmancî