NAVENDA NÛÇEYAN — Projeyasaya budçeya sala 2027’an di pêvajoya amadekirinê de ye, piraniya projeyê ber bi dawiyê ve çûye û pişk û mafên darayî yên Herêma Kurdistanê bûne girêka kor a li pêşberî pejirandina vê projeyê. Bexda mercên giran û pabendbûneke hişk li ser Herêmê diyar kiriye, hikûmeta Herêma Kurdistanê jî vê projeyasayê wekî cezakirina welatiyên herêmê pênase dike û red dike.
- Projeyasaya budçeya sala 2027’an di pêvajoya amadekirinê de ye û piraniya wê ber bi dawiyê ve çûye.
- Pişk û mafên darayî yên Herêma Kurdistanê bûne girêka kor a li pêşberî pejirandina projeyê.
- Ji sala 2004’an û vir ve pişka Herêmê û dosyayên darayî her dem bûne sedema pirsgirêk û nakokiyan.
Nakokiyên Dîrokî yên Li Ser Pişka Budçeyê
Ji sala 2004’an û vir ve, pişka Herêma Kurdistanê û dosyayên din ên peywendîdar bi budçeya giştî ya salane ya Iraqê re, her dem pirsgirêk û nakokî ji bo herdu aliyan çêkirine. Bi mehan şande çûn û hatine, gotûbêj hatine kirin daku di dawiyê de li ser rêjeyekê lihev bikin. Piştî sala 2005’an, pişka Herêmê di budçeyê de bi %17 hatibû diyarkirin û heta wê demê serjimêrî dihat kirin, her çend di budçeyên salane de dihat nivîsandin ji, lê belê ji vê rêjeyê kêmtir ji Herêmê re dihat şandin.
Bexda Mercên Giran Dide Diyarkirin û Herêm Red Dike
Piştî sala 2007’an û bi taybetî piştî sala 2010’an, dema ku hikûmeta Herêmê aboriya serbixwe ragihand û bi dehan peymanên neftê li gel kompanyayên biyanî ji bo derxistin û firotina neftê îmze kirin, hikûmeta Iraqê bi serokatiya Nûrî El-Malîkî budçeya Herêma Kurdistanê birrî. Bi vê yekê re serdemekî tije alozî û nakokiyên siyasî û darayî di navbera Herêm û Bexdayê de destpê kir ku heta niha jî dawiya wê nehatiye û her berdewame.
Pêşeroja Bûyeran
Di wê demê de ku şerê çeteyên DAIŞ’ê qewimî û budçeyê re qeyraneke darayî û aborî ya mezin li Herêma Kurdistanê serîhilda, berpirsên hikûmeta Herêm têkoşîna xwe ya têkildarî mafên darayî û pişka budçeyê didomînin.
Çavkanî: Rojnews Kurmancî