AMûDÊ — Saziya Mafê Mirovan HRANA têkildarî zext û binçavkirinên li Îran û Rojhilatê Kurdistanê agahî da û ragihand ku Dadgeha Bilind a Îranê cezayê darvekirinê li Parêzer Mujde Haşimî birî ye, her wiha di nava 7 mehên borî de 60 jinên Behayî hatine girtin.
- Dadgeha Bilind a Îranê cezayê darvekirinê li Parêzer Mujde Haşimî (27) birî.
- Muşde Haşimî berî niha diyar kiribû ku di bin êşkenceyê de îfadeya wê hatiye girtin.
- Di nava 7 mehên borî de li 11 parêzgehên Îranê 60 jinên Behayî hatine girtin.
Cezayê Darvekirinê Li Ser Parêzer Muşde Haşimî
Dadgeha Bilind a rejîma Îranê cezayê darvekirinê li Parêzer Muşde Haşimî ya 27 salî ku berê karmendê Heyva Sor bû, birî. Saziya Mafê Mirovan HRANA destnîşan kir ku berî niha Muşde peyamek dabû û gotibû ku êşkence li wê hatiye kirin û ji mafê parastinê hatiye bêparkirin. Wê diyar kiribû ku di bin êşkenceyê de îfadeya wê hatiye girtin û ceza li ser hatiye dayîn. Li aliyê din Malpera Mîran ya nêzî desthilatê, ragihand ku çalakvaneke jin hatiye girtin bê ku nasnameya wê eşkere bike.
Zext û Girtinên Li Dijî Welatiyên Behayî
Raporên mafê mirovan eşkere dikin ku di nava 7 mehên borî de bi kêmanî 118 welatiyên Behayî ku 60 jê jin in li 11 parêzgehên Îranê hatine girtin. Her wiha hate ragihandin ku cezayê girtinê ji bo 30 kesan hatiye birîn û 17 kes ji bo girtîgehê hatine veguhestin.
Pêşeroja Bûyeran
Li Îran û Rojhilatê Kurdistanê polîtîkayên zext, îşkence, binçavkirin û cezayên darvekirinê ji aliyê rejîmê ve bê navber didomin û rêxistinên mafê mirovan rewşa girtiyan bi ngeranî dişopînin.
Çavkanî: ANF Kurmancî