SILÊMANÎ — Li Silêmaniyê bi navê “Nirxandinek li ser Rewşa Siyasî û Îdarî ya Herêma Kurdistanê” panelek hate lidarxistin û di panelê de bal hate kişandine ser nebûna yekîtiya navxweyî û parastina destûrî ya Herêma Kurdistanê.
- Derdê Kurdan nebûna yekîtîya navxweyî ye û ev yek weke êşek kujer hatiye binavkirin.
- Piştî ku Sykes-Picot Kurdistan kir çar parçe, Kurdan jî bixwe xwe zêdetir parçe kirine.
- Dr. Şoriş Hesen anî ziman ku Herêma Kurdistanê berhema gelek êş û têkoşînekê ye û ji ber xwe ve nehatiye avakirin.
Nirxandina Rewşa Siyasî û Îdarî ya Herêma Kurdistanê
Êvarê li Silêmaniyê panelek bi navê “Nirxandinek li ser Rewşa Siyasî û Îdarî ya Herêma Kurdistanê” hate lidarxistin. Di destpêka panelê de, Pisporê Yasayê Dr. Şoriş Hesen li ser rola destûrê di têkoşîna li dijî gefên li ser Herêma Kurdistanê de axivî û da zanîn ku paşxaneya Herêma Kurdistanê encama hejmarek bûyerên dîrokî ye. Dr. Şoriş Hesen got: ‘Bi taybetî piştî Şerê Cîhanê yê Yekem, behsa cudahiyên Herêma Kurdistanê ji Iraqê hatiye kirin û hewl hatiye dayîn ku bi beşên din yên Iraqê re cuda tevbigerin. Lêbelê, piştî serhildanê, Kurdan nasnameya xwe bi dest xistin û ji sala 2003’yan vir ve, mafên Kurdan di destûrê de hatine destnîşankirin û têkilî li ser bingeha federalîzmê ne. Ev Herêma Kurdistanê berhema gelek êş, têkoşîne û ji ber xwe ve nehatiye avakirin. Ji ber vê yekê parastina wê girînge.’
Kêşeya Yekîtiya Navxweyî û Gefên Parçebûnê
Dr. Şoriş Hesen bal kişand ser parçebûna di nav Kurdan de û wiha axivî: ‘Mixabin, derdê Kurdan nebûna yekîtîya navxweyî ye, ku êşek kujere. Ger Sykes-Picot Kurd kir çar parçe, piştre me zêdetir wê demê me xwe bêtir parçe kir û niha em bi fermî behsa parçekirina vê herêmê dikin. Di şûna wê de, divê me ji bo vegerandina deverên veqetandî bo Herêmê b…’
Pêşeroja Bûyeran
Di panelê de hate destnîşankirin ku ger Herêm parçe bibe, wê qet neyê karîn ku Herêmên Veqetandî werin vegerandin, lewma parastina destkeftî û yekîtiya navxweyî ji bo gelê Kurd xwedî girîngiyeke sereke ye.
Çavkanî: Rojnews Kurmancî