Mîhrîcana Voce Arcaica ya ku ji bo Nagîhan Akarsel tê lidarxistin wê di 7’ê Mijdarê

ROMA — 3yemîn Mîhrîcana Çand û Hunerê ya Voce Arcaica ku ji bo bîranîna endama Navenda Lêkolînê ya Jineolojiyê, nivîskar û rojnameger Nagîhan Akarsel tê lidarxistin, wê di 7ê Mijdarê de li Romayê pêk bê.

Armanca Mîhrîcanê û Bîranîna Nagîhan Akarsel

3yemîn Mîhrîcana Çand û Hunerê ya Voce Arcaica ku ji bo bîranîna Nagîhan Akarsel tê lidarxistin wê li Romayê pêk bê. Piştî çalakiyên li bajarên cuda pêk hatin, mîhrîcana ku di 7ê Mijdarê de bê lidarxistin de wê şano, muzîk, dans û atolye bên lidarxistin.

Mîhrîcana Çand û Hunerê ya Voce Arcaica (Dengê Qedîm) ku her sal li Îtalyayê bi pêşengiya Akademiya Jineolojiyê tê lidarxistin, ji bo bîranîna endama Navenda Lêkolînê ya Jineolojiyê, nivîskar û rojnameger Nagîhan Akarsel ku di 4ê Cotmeha 2022’yan de li Silêmaniyê di encama êrişeke çekdarî de hat qetilkirin, tê li darxistin. Mîhrîcana ku wê di 7’ê Mijdarê de li Teatro Biblioteca Quarticciolo ya Romayê bê lidarxistin.

Huner wekî Rêya Veguhestina Bîr û Berxwedanê

Di nivîsa ku ji aliyê Akademiya Jineolojiyê ve hat weşandin de hat diyarkirin ku mîhrîcan bi armanca berdewamkirina xebatên Nagîhan Akarsel a ku mohra xwe li gelek lêkolînên girîng ên derbarê Jineolojî, rojnamegeriya jinan û jinan de xistiye û zindîkirina ramanên wê tê lidarxistin. Di nivîsê de hat destnîşankirin ku huner ne tenê awayekî îfadeyê ye, di heman demê de rêya veguhestina bîr, berxwedan û tecrubeyên têkoşîna jinan e.

Pêşeroja Bûyeran

Di çarçoveya mîhrîcana ku îsal wê cara sêyemîn bê lidarxistin de li bajarên Roma, Reggio Calabria, Torino û Bologna yên Îtalyayê û li Haelen a Holandayê çalakî hatin lidarxistin. Pirtûka Voce Arcaica (Dengê Qedîm) ya ku ji 16 meqaleyên Nagîhan Akarsel pêk tê hat nasandin. Jinên ku bi şahî, xwendin û çalakiyên hunerî li bajarên cuda hatin cem hev, ramanên Nagîhan Akarsel û Jineolojiyê nîqaş kirin. Xebata neqşê ya hevpar jî li se

Çavkanî: ANF Kurmancî