PARÎS — Dîroknas Pascal Torre anî ziman ku demokratîkbûn nebe aştiyeke mayinde jî nabe û got, “Heta ku Abdullah Ocalan neyê berdan gumanên li ser îradeya serxistina vê pêvajoyê ya li Tirkiyeyê wê dewam bike.”
- Dîroknas Pascal Torre da xuyakirin ku demokratîkbûn nebe aştiyeke mayinde jî nabe.
- Torre anî ziman ku heta ku Abdullah Ocalan neyê berdan gumanên li ser îradeya pêvajoyê wê dewam bikin.
- Hevserokê Komeleya Fransa-Kurdistanê bal kişand ser girîngiya azadiya Rêber Apo ji bo aştiya mayinde.
Nîqaşên Çareseriya Demokratîk û Helwesta Navneteweyî
Di pêvajoya Aştî û Civaka Demokratîk de ku bi banga Rêber Apo destpê kir, nîqaşên li ser çareseriya demokratîk a pirsgirêka Kurd dewam dikin. Her wiha gavên siyasî û hiqûqî yên ku divê dewleta Tirk biavêjin û berpirsyariyên civaka navneteweyî di rojevê de ne. Hevserokê Komeleya Fransa-Kurdistan (France-Kurdistan) û dîroknas Pascal Torre Pêvajoya Aştî û Civaka Demokratîk û girîngiya azadiya Rêber Apo ji bo aştiya mayinde, her wiha berpirsyariya Ewropayê ya di vê pêvajoyê de ji ANF’ê re nirxand.
Guhertinên Stratejîk û Îdeolojîk ên di nava Tevgera Kurd de
Pascal Torre diyar kir ku ev pêvajo gelekÎ girîng e, eger bi ser bikeve dikare bibe destpêka serdemeke nû û got, “Li gel vê yekê di nava tevgera Kurd de nûbûnên stratejîk û îdeolojîk ên gelekî girîng pêk hatin. Ev nûbûn beriya her tiştî ji ber mercên têkoşîna çekdarî ye. Lê belê di heman demê de û ya herî girîng jî ji ber îradeya çareseriyeke siyasî ye ku demeke dirêj e bi şênberî datîne holê.” Torre bi bîr xist ku mafên siyasî û çandî yên Kurdan bi dehan sal in nayên naskirin û bingeha pirsgirêkên lê rast hatin jî ev e.
Rola PKK’ê û Pêwîstiya Naskirina Mafên Gelê Kurd
Li gorî Pascal Torre PKK salên dûr û dirêj ji bo gelê Kurd bû garantiyek. Torre got, “Abdullah Ocalan bi rengekî gelekî rast anî ziman ku dema rêxistinên çekdar ên derveyî dewletê êdî derbas bûye. Êdî pêwîstî bi wê yekê heye ku destketiyên siyasî yên bêhempa yên gelê Kurd ku bi têkoşîneke mezin hate bidestxistin û mafên wan divê bêne naskirin, ji vê jî girîngtir div”
Pêşeroja Bûyeran
Pêvajoya Aştî û Civaka Demokratîk û nîqaşên li ser çareseriya pirsgirêka Kurd bi nirxandinên nûner û rewşenbîrên navneteweyî berdewam dikin.
Çavkanî: ANF Kurmancî