MÎSAN — TEBARIK BEYZANÎ-ROJNEWS / Berpirsên herêmî yên parêzgeha Mîsanê bang li hikûmeta federal kirin ku biryara xwe ya girtina Deriyê Sînor yê Şêbê bi Îranê re jinûve binirxîne, her wisa li ser encamên vê biryarê ku bandorê li ser rewşa aborî û debara welatiyan dike hişyarî dan.
- Berpirsên herêmî, nûnerên Sendîkaya Parêzeran û pisporên aborî yên parêzgehê li ser bandorên neyînî yên girtina derî axivîn.
- Endamê Encûmena Parêzgeha Mîsanê Husên Miryanî diyar kir ku girtina derî zirarek mezin daye niştecihan.
- Berpirsê Sendîkaya Parêzerên Mîsanê Ehmed Casim da zanîn ku gelek kes ji bo debara xwe bi xebata li hindirê derî ve girêdayî ne.
Banga Ji Bo Jinûve Nirxandina Biryarê
Berpirsên herêmî, nûnerên Sendîkaya Parêzeran û pisporên aborî yên parêzgeha Mîsanê li ser bandorên neyînî yên girtina Deriyê Sînor yê Şêbê bi Îranê re ji ajansa me re axivîn. Endamê Encûmena Parêzgeha Mîsanê, Husên Miryanî diyar kir ku girtina Deriyê Sînor yê Şêbê zirarek mezin daye niştecihên parêzgehê û axaftina xwe wiha domand; ‘Ev biryar ji nişka ve ji aliyê hikûmeta federal ve hat dayîn. Ez daxwaz dikim ku hikûmeta fedaral vê biryara xwe careke din di ber çavan re derbaz bike. Ji ber ku ev yek bûye sedema bilindbûna bihayên sebze, fêkî û pêdiviyên bingehîn.’
Bandora Li Ser Dermankirin, Perwerde û Bazirganiyê
Husên Miryanî got ku girtina derî bandorê li welatiyên ku ji bo dermankirin û perwerdeyê diçin Îranê jî dike û wiha anî ziman; ‘Divê her binpêkirinek muhtemel bi kontrolên tundtir yên li ser kelûpelên hawirdekirî û kesên ku ji derî tên hawirdekirin, were çareserkirin. Bi berdewamiya girtina derî re, roj bi roj zerer û ziyana digihe gel zêdetir dibe.’ Di heman demê de, Berpirsê Sendîkaya Parêzerên Mîsanê Ehmed Casim jî têkildarî mijarê wiha got; ‘Biryara Girtina Deriyê Şêb bandorek neyînî li ser rastiya aborî û bazirganî ya li parêzgehê kiriye. Hejmareke mezin ji niştecihên parêzgehê ji bo debara xwe bi xebata li hindirê derî ve girêdayî ne. Ji bilî va’
Pêşeroja Bûyeran
Berpirs û nûnerên herêmî tekez dikin ku ji bo pêşîgirtina li karesateke aborî û parastina debara jiyana welatiyan, divê hikûmeta federal demildest biryara girtina Deriyê Sînor yê Şêbê betal bike an jî di ber çavan re derbas bike.
Çavkanî: Rojnews Kurmancî