Şirîn Şivan: Gavên li Şengalê tên avêtin xeyala şehîdan bû

ŞENGAL — Çalakvana jin a Êzidî Şirîn Şivan diyar kir ku entegrasyona YBŞ û YJŞ’ê di nava artêşa Iraqê de gaveke dîrokî ye û bang li civaka Êzidî kir ku hêza xwe ya parastinê mezin bikin, ji ber ku bêparastinî fermanan tîne.

Entegrasyona YBŞ û YJŞ’ê û Girîngiya Parastinê

Çalakvana jin a Êzidî Şirîn Şivan diyar kir ku entegrasyona YBŞ û YJŞ’ê di nava artêşa Iraqê de gaveke dîrokî ye û bang li civaka Êzidî kir ku hêza xwe ya parastinê mezin bikin, ji ber ku bêparastinî fermanan tîne û got; “Tenê bi zanebûn, perwerde û hêza leşkerî; zarok û jinên Ezidî ji zilmê tên parastin û dikarin li ser axa Şengalê azad bijîn da ku kes nikaribe biryarê li ser wan bide.

Yek ji çalakvanên jin yên Êzidî, Şirîn Şivan, derbarê rewşa Şengalê û taybet entegrasyona hêzên YBŞ û YJŞ’ê di nav hêzên Iraqê de ji Rojnews’ê re axivî û bang li civaka Êzidî kir ku hêza xwe ya parastinê mezin bikin, ji bo ku careke din civak neyê rastî fermanê.

Ji 2018’an Ve Hevdîtin û Diayaloga Fermîkirinê

Şirîn Şivan di destpêka axaftina xwe de, entegrasyona hêzên Êzidiyan di nava artêşa Iraqê de nirxand û got: “Ji sala 2018’an ve hevdîtin û diyalog berdewam bûn û her dem daxwaza YBŞ û civaka Êzidî fermîkirina hêzên wan bûn ser bi hikûmeta Iraqê ve. Lê di wê demê de gavên pêwîst nehatin avêtin. Niha entegrasyona hêzên YBŞ û YJŞ’ê li ser erdê pêk tê, ev gavekî gelek girînge û pêwîstiyek bû. Em wek jinên Êzidî çawa dibînin ku Çiyayê Şengalê ji bo me cihekî ruhî ye, hêzên parastinê jî ji bo me wisa ne. Ji ber ku em Êzidî bêparastin nabin.

Pêşeroja Bûyeran

Di dîrokê de gelek caran me dîtiye ku ji ber bêparastinê me gelek zehmetî kişandine. Tecrûbeya me ya sala 2014’an dîrokî bû ku me wek civakê tê de jiyan kir. Ji wê zehmetiya me di fermanê de jiyan kir, me îrade ava kir, me hêza xwe ava kir û niha Êzidî di Çiyayê Şengalê de dikarin xwe bir.

Çavkanî: Rojnews Kurmancî